Shkencëtarët kanë hartuar një listë të bimëve pak të njohura për popullatën në mbarë botën por që mund të jenë në menu deri në vitin 2050.

Në të ardhmen, mund të hani për mëngjes banane të rreme ose fruta të pemës pandanus.

Lufta e Ukrainës ka nxjerrë në pah rreziqet e mbështetjes në vetëm disa kultura të tregtuara globalisht.

Me 90% të kalorive që vijnë nga vetëm 15 kultura, ekspertët në Kopshtin Botanik Mbretëror në Kew, Londër janë në kërkim të përbërësve për të mbrojtur në të ardhmen dietat tona.

Ndryshimet klimatike po rrisin rrezikun e ‘goditjeve të rënda ushqimore’ ku të korrat dështojnë dhe çmimet e produkteve kryesore rriten me shpejtësi në mbarë botën.

Disa nga ushqimet e së ardhmes janë:

Pandanusi

Është një pemë e vogël që rritet në zonat bregdetare nga Ishujt e Paqësorit deri në Filipine, ku gjethet e saj përdoren për ushqimet e ëmbla, ndërsa frutat e ngjashme me ananasin mund të hahen të pa gatuara.

Fasule 

Janë të pasura me proteina, vitamina B, të cilat mund të bëhen misër ose bluhen në pluhur për të bërë qull ose një pije të ngjashme me kakao.

Drithëra të egra

Drithërat, të cilat vijnë nga barishtet, gjithashtu kanë një diversitet të madh, me më shumë se 10,000 lloje, duke ofruar shumë potencial për ushqime të reja.

Fonio (Digitaria exilis) është një lloj drithi ushqyes afrikan i përdorur për të bërë kuskus, qull dhe pije. E kultivuar në vend si kulturë, bima mund të tolerojë kushtet e thata.

Banane false

Këto lloj banane janë të pangrënshme, por kërcellet dhe rrënjët me niseshte mund të fermentohen dhe përdoren për të bërë qull dhe bukë.

Sipas një studiuesi të Kew (Kopshti Botanik i Londrës), Sam Pirinon, diversifikimi i ushqimit që hamë është një nga zgjidhjet kryesore për të lehtësuar urinë, për të adresuar humbjen e biodiversitetit dhe për të ndihmuar në përshtatjen me ndryshimet klimatike./Motilokal.com