Imazhet satelitore tregojnë se sasia e bimësisë në Alpe mbi vijën në të cilën rriten pemët është rritur me 77 për qind që nga viti 1984. Rritja e pjesës së maleve që është nën bimësi shoqërohet me ngrohjen globale.
Shkencëtarët e përshkruajnë rritjen e biomasës në këto zona si një ndryshim absolutisht masiv.
Rritja e temperaturave dhe reshjeve zgjasin sezonin e rritjes së bimëve dhe bimët përhapen në zona të reja duke u bërë më të dendura dhe më të larta. Gjithashtu, sasia e mbulesës së borës është në rënie dhe shkencëtarët thonë se një humbje prej më pak se 10 për qind e borës mbi vijën në të cilën rriten pemët do të ishte ende e konsiderueshme.
Zonat malore po ngrohen dy herë më shpejt se mesatarja globale. Ndërsa gjelbërimi i Alpeve mund të rrisë sekuestrimin e karbonit, ka të ngjarë të tejkalohet nga pasojat negative, duke përfshirë shkrirjen e permafrostit, reduktimin e efektit albedo, më pak borë që largon rrezet e diellit dhe humbjen e habitatit, raporton Guardian.
