Valët e të nxehtit po shfaqen më herët dhe më intensivisht në Evropë dhe në botë, duke krijuar probleme me furnizimin me energji elektrike, aktivitetin ekonomik dhe kërkimet e fundit shëndetësore.

Nxehtësia mund të zvogëlojë kapacitetin mendor

Në veçanti, sipas Scientific American, temperaturat e larta ndikojnë në kujtesën dhe aftësitë e përgjithshme mendore. Gjithashtu, për shkak të nxehtësisë dobësohemi më shpejt se në temperatura të ulëta, duke punuar apo lexuar. Rrjedhimisht na e rëndon mendjen, ndërsa në të njëjtën kohë e kemi më të vështirë të mësojmë gjëra.

Nxehtësia mund të ndikojë në shëndetin mendor

Sipas Science of the Total Environment, temperaturat e larta shoqërohen me një rritje të incidencës së sëmundjeve mendore. Në veçanti, gjatë periudhave të temperaturave të larta, shtohen vizitat urgjente nga pacientët me probleme të shëndetit mendor, duke përfshirë çrregullimet e humorit, ankthit, skizofreninë dhe përdorimin e drogës.

Nxehtësia mund të shkaktojë probleme në veshke

Sipas Fondacionit Kombëtar të Veshkave, veshkat nuk funksionojnë aq mirë kur është nxehtë, pasi dehidratimi ul presionin e gjakut. Në temperatura jashtëzakonisht të larta, sistemet metabolike të trupit fillojnë të çaktivizohen, gjë që mund të çojë në dështimin e veshkave. Në përgjithësi, sipas Forumit Ekonomik Botëror, temperaturat ekstreme mund të rrisin rrezikun e sëmundjeve të veshkave me 30%.

Frekuenca dhe kohëzgjatja e valëve të të nxehtit po rritet për shkak të ndryshimeve klimatike, të cilat mund të çojnë në dehidrim dhe goditje të nxehtësisë. Nëse nuk trajtohen, të dyja mund të jenë kërcënuese për jetën./Motilokal.com