Sateliti i parë i prodhuar në Uells është gati për lëshim në hapësirë, i cili është planifikuar për këtë vit.

Bëhet fjalë për një satelit të kompanisë Space Forge, i cili është bërë në një objekt në Rumney, Cardiff, i cili më parë është përdorur për prodhimin e furgonëve të destinuar për shitjen e ushqimit të shpejtë.

Ky do të jetë një test i rëndësishëm për kompaninë e përmendur, e cila synon të lëshojë një satelit që mund të kthehet dhe të ripërdoret në vitin 2023.

Sateliti do të lëshohet si pjesë e misionit Virgin Orbit, i cili do të dërgojë disa satelitë në orbitën e ulët të Tokës, pra në një lartësi deri në 1000 kilometra.

Space Forge ka bashkëpunuar me Lumi Space në një projekt për të hartuar satelitin e parë të ripërdorshëm të kthimit.

Nisja testuese do të bëhet nga porti hapësinor i vendosur në Newquay, Cornwall dhe sateliti i parë nuk do të kthehet në Tokë. Një mision kthimi është planifikuar për vitin e ardhshëm.

Virgin Orbit do ta përdorë atë për të testuar "teknologjinë e re të kthimit".

Lumi Space do të testojë gjithashtu teknologjinë laser për të gjurmuar satelitët./Motilokal.com