Një valë e të nxehtit të verës që ka shkaktuar zjarre shkatërruese në pyje në të gjithë Evropën Jugperëndimore nuk tregon shenja të zbutjes, pasi pjesë të kontinentit përgatiten për rekorde të reja të temperaturës në fillim të javës së ardhshme.

Zjarrfikësit në Francë, Portugali, Spanjë dhe Greqi po luftojnë me flakët pyjore që kanë shkatërruar mijëra hektarë tokë dhe kanë lënë të vdekur disa njerëz që nga fillimi i javës.

Kjo është vala e dytë e të nxehtit që përfshiu pjesë të Evropës Jugperëndimore në disa javë pasi shkencëtarët fajësojnë ndryshimet klimatike dhe parashikojnë episode më të shpeshta dhe intensive të motit ekstrem.

Zjarrfikësit në qytetin bregdetar të Arcachon në rajonin jugperëndimor të Francës Gironde po luftojnë për të kontrolluar dy zjarre pyjore që kanë gllabëruar më shumë se 10,000 hektarë që nga e marta.

“Është një punë herkuliane”, tha një zyrtar nga shërbimi i zjarrfikësve dhe shpëtimit, i cili ka 1200 zjarrfikës dhe pesë avionë në veprim.

Në paralajmërimin më të fundit të motit, 38 nga 96 departamentet e Francës u renditën në alarmin "portokalli", ku banorëve e atyre zonave u është kërkuara të jenë vigjilentë.

Vala e të nxehtit në Francën perëndimore pritet të arrijë kulmin të hënën, me temperatura që do të ngritën mbi 40 gradë Celsius.

Në Spanjën fqinje, zjarrfikësit po luftojnë me një seri zjarresh pas ditësh temperaturash jashtëzakonisht të larta që arritën deri në 45.7 gradë Celsius.

Vala e të nxehtit gati njëjavore ka shkaktuar 360 vdekje të lidhura me nxehtësinë, sipas shifrave nga Instituti Shëndetësor Carlos III.

Më shumë se 3,000 njerëz janë evakuuar nga shtëpitë për shkak të një zjarri të madh pranë Mijas, një qytet në provincën e Malagas që është i popullarizuar nga turistët e Evropës Veriore, thanë shërbimet e urgjencës të rajonit në një postim në Twitter.

Pati pak pushim për zjarrfikësit në Portugali, ku temperaturat ranë në pjesën më të madhe të vendit të shtunën pasi arritën rreth 40 gradë Celsius ditët e fundit.

Një total prej 39,550 hektarësh u shkatërrua nga zjarret nga fillimi i vitit deri në mes të qershorit, më shumë se trefishi i sipërfaqes së rrafshuar nga zjarret në të njëjtën periudhë të vitit të kaluar, të dhënat nga Instituti për Ruajtjen e Natyrës dhe Pyjet treguan.

Një zonë e barabartë me pothuajse dy të tretat e saj është djegur gjatë zjarreve në javën e fundit.

Ministria e Shëndetësisë e Portugalisë tha se 238 njerëz kishin vdekur si pasojë e valës së të nxehtit midis 7 dhe 13 korrikut, shumica prej tyre të moshuar.

Autoritetet në Alpet Franceze u kërkuan alpinistëve të nisur për në Mont Blanc, mali më i lartë i Evropës, që të shtyjnë udhëtimin e tyre për shkak të rënies së përsëritur të shkëmbinjve të shkaktuar nga "kushtet e jashtëzakonshme klimatike" dhe "thatësira".

Thirrja vjen pasi një pjesë e akullnajës më të madhe alpine të Italisë u shkri në fillim të muajit, duke vrarë 11 persona, në një fatkeqësi që zyrtarët fajësuan ndryshimet klimatike./Motilokal.com