Pjesë të Evropës po përjetojnë një valë rekorde të të nxehti. Si duket shpëtim nuk do të ketë as Ballkani, pasi nga sot ka depërtuara vala e të nxehtit afrikan.

Moti në Shqipëri do të vijojë të jetë nën ndikimin e masave ajrore të qëndrueshme por të nxehta me origjinë nga Afrika e Veriut. Parashikohet mot i kthjellët në të gjithë territorin përjashtuar vranësirat kalimtare në relievet malore në lindje dhe jug.

Në disa qytet të Shqipërisë parashihet që temperatura të arrijë deri në 40°C.

Të premten në Tiranë priten temperatura deri në 36 °C, ndërsa të shtunë 36°C. Në Elbasan të premten 37°C, të shtunën 37°C. Nxehtë pritet të jetë edhe në Berat, ku termometri do të shënon deri në 37°C. Edhe në Shkodër do të mbajë mot i nxehtë me temperatura deri në 38°C.

Vala e nxehtësisë nga sot ka përfshirë edhe Kosovën, që pritet të rrisë ndjeshëm temperaturat. Sipas termometrit të motilokal.com gjatë këtyre ditëve parashihen temperatura mbi 35°C.

Në Prishtinë termometri pritet të regjistroj temperatura të larta të shtunën dhe të diele deri në 36°C.

Edhe në qytete si Gjakova, Prizreni, Rahoveci, Theranda (Suhareka), Dardana (Kamenica), Gjilani Mitrovica priten temperatura të larta mbi 36°C.

Maqedonia e Veriut nga sot deri të dielën ka hyrë në fazën e portokalltë, për shkak të valës ekstreme të nxehtë.

Në Maqedoni pritet që termometri të regjistrojë temperatura deri në 38°C.

Vala e të nxehtit do ta prek edhe Malin e Zi, ku priten temperatura deri në 39°C./Motilokal.com