Autoritetet kiliane kanë nisur hetimet pas shfaqjes së një grope misterioze në një zonë minerare në veri të vendit. Gropa me një diametër 25 metra shkaktoi panik tek banorët e zonës, të cilët duke mos pasur një arsyetim të saktë për krijimin e saj, ia vunë fajin jashtëtokësorëve.

Në pamjet e filmuar nga lart shihet se gropa misterioze është shumë e thellë, por ajo që të bën më shumë përshtypje është forma perfekte sferike që ajo ka krijuar.

Shërbimi Kombëtar i Gjeologjisë dhe Minierave të Kilit, Sernageomin, ka dërguar personel të specializuar në zonë, e cila është rreth 665 km në veri të kryeqytetit Santiago.

Sernageomin raportoi mbylljen e zonës nga hyrja në vendin e minierës Alcaparrosa, e cila ndodhet pranë gropës.

Në një deklaratë të hënën pasdite, Lundin Mining tha se gropa kishte “mbetur e qëndrueshme” që kur u zbulua: “Nuk ka pasur asnjë ndikim në personel, pajisje ose infrastrukturë”.

Lundin Mining tha se një analizë teknike ishte duke u zhvilluar për të përcaktuar shkakun e ngjarjes.

“Shtëpia më e afërt është më shumë se 600 metra larg, ndërsa çdo zonë banimi ose shërbim publik është pothuajse një kilometër larg zonës së prekur.”/Motilokal.com