Gjatë katër viteve të ardhshme, Gjermania dëshiron të investojë një miliardë euro në vit në "mbrojtjen e klimës natyrore". Programi i veprimit duhet të bëjë të mundur mbrojtjen e ekosistemeve të tilla si pyjet, zonat aluvionale, kënetat dhe tokat ose kthimin e tyre në një gjendje natyrore, tha Ministrja Federale e Mjedisit Steffi Lemke në Oranienburg.

Kjo nënkupton përmirësimin e kapacitetit natyror të ekosistemeve për të absorbuar gazrat serë. "Kjo do të thotë se ne ruajmë kështu CO2 ose karbonin në natyrë dhe kështu kemi një efekt të mbrojtjes së klimës", tha Lemke.

Për më tepër, projektet synojnë të mbajnë më shumë ujë në tokë për të reaguar ndaj rritjes së fazave të thatësirës. "Ne do ta bëjmë këtë në tokat moçalore dhe në pyjet e vjetra", tha Lemke.

"Kjo do të thotë t'i lëmë pemët të vjetërsohen në mënyrë që të ruajnë më shumë dioksid karboni dhe toka gjithashtu të thithë më shumë ujë."

Programi ende nuk është vendosur

Në mars, Lemke prezantoi pikat e para kryesore të programit të veprimit, i cili është zhvilluar që atëherë. Por ende nuk është vendosur: pjesëmarrja e publikut do të fillojë më 5 shtator dhe programi do të miratohet nga kabineti në fillim të vitit 2023.

Lëvdata nga ambientalistët

Mbrojtësit e ambjentit i lëvduan këto hapa. "Rivendosja e habitateve natyrore jo vetëm që redukton shkarkimet e gazeve serë dhe rrit biodiversitetin”, tha Järg-Andreas Kröger, president i Federatës Gjermane për Ruajtjen e Natyrës (NABU).

"Programi mund të ndihmojë gjithashtu me kontrollin e nxehtësisë dhe përmbytjeve dhe të sigurojë vlerën e shtuar shëndetësore dhe rajonale në vend."

Sindikata dhe shoqata e fermerëve shohin mangësi

Grupi parlamentar unionist në Bundestag i kritikoi planet: programi nuk zbut konfliktin e objektivave midis mbrojtjes në rritje të sipërfaqeve dhe sipërfaqeve të destinuara për prodhimin e ushqimit, tha zëdhënësja e grupit për çështjet mjedisore, Anja Weisgerber. Deputetja e CSU-së paralajmëroi se në të ardhmen duhet të importohen më shumë ushqime për shkak të sipërfaqeve të nxjerra jashtë pune.

Udo Hemmerling, nënkryetari i Sindikatës së Fermerëve, thotë se planet janë kundërproduktive: "Është një qasje e gabuar të lëmë mënjanë pyjet dhe të frenosh bujqësinë për të riushqyer me ujë kënetat.

"Ne kemi nevojë për më shumë fotosintezë në sipërfaqe për të qenë në gjendje të rregullojmë karbonin shtesë.

"Më shumë tokë djerrë në bujqësi dhe pylltari është kështu kundërproduktive."