Muhammad Naeem Khoso humbi mijëra hektarë të korra kur shirat e rrëmbyeshëm që shkatërruan Pakistanin në korrik dhe gusht e shndërruan tokën e tij në Jaffarabad në një liqen.

“Kisha investuar 40 milionë rupi (163,042 funta angleze) në kultura të ndryshme, kryesisht oriz”, tha ai. “Kam humbur pothuajse gjithçka. Përmbytjet kanë shkatërruar dhe larë gjithçka.”

Khoso tha se nuk kishte parë kurrë kaq shumë shi në jetën e tij dhe se uji vinte nga kudo. "Kam frikë nga një krizë ushqimore në Balochistan dhe më gjerë", shtoi ai.

Në të gjithë provincën shtëpi e mjete jetesë u morën nga ujërat e përmbytjeve. Në një kohë kur bujqësia është burimi kryesor i të ardhurave në zonat Jaffarabad, Sohbatpur, Nasirabad e Jhal Magsi, teksa 70% e të mbjellave janë shkatërruar nga përmbytjet.

Në mbarë vendin, të paktën 4 milion hektarë të korra janë shkatërruar, pjesë e shkatërrimit ekonomik të vlerësuar nga kryeministri pakistanez, Shehbaz Sharif, në 30-35 miliardë dollarë.

Fëmijët luajnë dhe notojnë në fusha ku të korrat e gjelbra të orizit duhet të ishin lëkundur në ajër, gati për korrje.

Nuk mund të kultivojmë asgjë këtu për një kohë të gjatë

Sekretari i përgjithshëm i OKB-së, António Guterres, ka paralajmëruar se efektet e përmbytjeve do të ndihen për vitet me radhë dhe shtoi se vendi është në prag të katastrofës shëndetësore.

Në distriktin Sohbatpur në Balochistan, Mohammed Ali tha se 500 hektarë të mbjella ishin nën ujë.

“Kam humbur të gjithë investimin tim të sezonit, por për mua më shqetësues është sezoni i ri”, tha ai. “Tani është tetor dhe nuk mund të kultivoj grurë pasi nuk na ka mbetur tokë e thatë. Uji po tërhiqet në një fazë shumë të ngadaltë dhe duket se nuk mund të kultivojmë grurë dhe kultura të tjera.”

Në rrethin Larkana të provincës fqinje Sindh, Sajid Ali, tha se më shumë se 70% e të korrave të tij ishin shkatërruar.

"Njerëzit kanë humbur të korrat e tyre dhe disa kanë humbur gjithashtu farat e grurit, të cilat i kishin mbajtur për sezonet e reja në depot dhe fabrikat e tyre", deklaroi ai.

“Toka është ende nën ujë dhe ne nuk mund të kultivojmë asgjë këtu për një kohë të gjatë.”

Sherry Rehman, ministrja pakistaneze e ndryshimeve klimatike, tha se gjysma e shportës së bukës së vendit ishte zhdukur nga përmbytjet.

“Është e qartë se do të ketë goditje në sigurinë ushqimore të vendit. Nuk jemi të sigurt se si do të zhvillohet realisht sezoni i mbjelljes me kaq shumë ujë ose tokë të lagur”, tha ajo për Guardian.

Sipas Këshillit Atlantik, dëmi total në bujqësi arrin në 3.18 miliardë dollarë, nga të cilat 1.63 miliardë dollarë janë nga Sindhi dhe 1.04 miliardë dollarë nga Balochistani. Humbjet e bagëtive janë 291 milionë dollarë, nga të cilat 125 milionë dollarë janë nga Balochistani dhe 109 milionë dollarë nga Sindhi.

"Do të ketë ndikime të menjëhershme dhe afatmesme të paktën në jetën e njerëzve", tha Rehman.

“Ne mendojmë se është shumë e rëndësishme të kërkojmë ushqim, ndihma ushqimore dhe të punojmë në tubacionin e bujqësisë rezistente ndaj klimës, por kjo është një afat mjaft i gjatë.”

Mohammed Ali në Balochistan dhe Sajid Ali in Sindh thanë se nuk kanë marrë ende ndihmë nga qeveria teksa shumë punëtorë fermash tanimë janë të pastrehë.

/Motilokal.com