Qytetarët e Prishtinës, së shpejti do t’i kenë në dispozicion biçikletat, të cilat mund t’i shfrytëzojnë gjatë ditës.

Komuna e Prishtinës sot ka nënshkruar kontratën për blerjen e biçikletave të qytetit dhe se afati i implementimit të këtij projekti është 60 ditë.

Kështu ka bërë të ditur nënkryetari i Komunës së Prishtinës Alban Zogaj.

“Sot u nënshkrua kontrata për blerjen e biçikletave të qytetit! Afati i implementimit të projektit është 60 ditë”, ka shkruar Zogaj në Facebook.

"Qytetarët biçikletat mund t’i shfrytëzojnë gjatë ditës një orë, gjysmë ore, pesë orë apo më shumë dhe pastaj i kthejnë prapë. Ideja është që tërë kohën me qenë në dispozicion dhe të shfrytëzohen nga qytetarët. Stacionet do të jenë të vendosura në krejt Prishtinën. E merr në një stacion, e len në stacionin tjetër dhe vazhdon tutje. Si në të gjitha kryeqytetet e Evropës dhe me gjerë" ka theksuar Zogaj.

/Motilokal.com