Ndryshimi i klimës është kryesisht përgjegjës për dyfishimin e katastrofave natyrore në botë në 20 vitet e fundit, paralajmëroi Organizata Kombeve të Bashkuara (OKB), duke sinjalizuar se katastrofat natyrore kanë vrarë më shumë se 1.2 milion njerëz që nga viti 2000.

Gjatë 20 viteve të fundit (2000-2019), 7,348 katastrofa natyrore janë regjistruar në botë (me një kosto të vlerësuar prej rreth 3 miliard dollarë amerikanë), rreth dy herë më shumë se në vitet 1980 dhe 1999, sipas një raporti Zyrës së Kombeve të Bashkuara për reduktimin e rreziqeve nga katastrofat (UNSDIR).

“COVID-19 vërtetë i ka sensibilizuar qeveritë dhe publikun e gjerë për rreziqet që na rrethojnë. Ata mund të shohin që nëse COVID-19 është kaq i tmerrshëm, emergjenca e klimës mund të jetë edhe më e keqe", tha sekretarja e përgjithshme e UNSDIR, Mami Mizutori.

“Pa një rikuperim të gjelbër, ne vetëm do të rrisim emergjencën e klimës”, theksoi ajo.

Raporti, i cili nuk mbulon rreziqe epidemiologjike si koronavirusi, tregon se përparimi i katastrofave natyrore lidhet kryesisht me rritjen e katastrofave klimatike, të cilat kaluan nga 3,656 (1980-1999) në 6,681 (2000-2019).

“Ne jemi me vetëdije shkatërruese. Ky është përfundimi i vetëm që mund të arrihet kur shqyrtohen katastrofat që kanë ndodhur në 20 vitet e fundit”, tha Mizutori.

Shpyllëzimet dhe zjarri, së bashku me ndryshimet klimatike, mund të kthejnë zonat pyjore në savana, zbulon studimi

Kostot e katastrofave natyrore janë vlerësuar të jenë të paktën pothuajse 3 miliard dollarë që nga viti 2000, por vlera reale është më e lartë sepse një numër i madh vendesh, veçanërisht në Afrikë dhe Azi, nuk japin informacion mbi ndikimin ekonomik.

Përmbytjet të cilat u dyfishuan dhe stuhitë kanë qenë katastrofat më të shpeshta në dy dekadat e fundit.

Për dekadën e ardhshme, OKB beson se problemi më i keq do të jenë zjarret.

Presidenti i Komisionit Evropian njofton luftën kundër ndryshimit të klimës.

Azia, rajoni më i prekur

Globalisht, numri i vdekjeve është rritur nga 1.19 milion në periudhën 1980-1999 në 1.23 milion në periudhën 2000-2019, ndërsa numri i njerëzve të prekur nga këto katastrofa natyrore është rritur nga 3.25 miliard në 4 miliard.

“Më shumë jetë po shpëtohen, por më shumë njerëz preken nga emergjenca në rritje e klimës. Rreziku i katastrofave po bëhet sistematik”, tha Mizutori, duke theksuar se vendet duhet të ndjekin rekomandimet e shkencëtarëve dhe duhet të investojnë në programe për të parandaluar dhe përshtatur me ndryshimet klimatike.

Kina dhe Shtetet e Bashkuara janë vendet që kanë raportuar më shumë katastrofa, pasuar nga India, Filipinet dhe Indonezia. Këto vende kanë dendësi relativisht të lartë të popullsisë në zonat në rrezik, thekson raporti.

Vitet 2004, 2008 dhe 2010 ishin më shkatërruese, me më shumë se 200,000 vdekje në secilin prej atyre viteve. Cunami i Oqeanit Indian 2004 ishte më vdekjeprurësi, me më shumë se 220,000 viktima.

Ngjarja e dytë më e madhe ndodhi në vitin 2010, kur një tërmet me madhësi 7 ballë në shkallën Rihter vrau më shumë se 200,000 njerëz dhe plagosi më shumë se 300,000.

Në vitin 2008, cikloni Nargis vrau rreth 138,000 njerëz gjatë kalimit të tij nëpër Mianmar.

Raporti gjithashtu vë në dukje se numri mesatar i vdekjeve në të gjithë botën midis 2000 dhe 2019 ishte rreth 60,000 në vit dhe që nga viti 2010 nuk ka pasur "mega-katastrofa" (më shumë se 100,000 vdekje)./Motilokal.com