Emiratet e Bashkuara Arabe po krijojnë shiun e tyre duke përdorur dron që fluturojnë në re dhe lëshojnë shkarkesa elektrike për të mposhtur nxehtësinë 50 gradë Celsius.

Shiu është formuar duke përdorur teknologjinë e dronëve që u jep reve një goditje elektrike për t'i 'kapur ato' duke u grumbulluar së bashku dhe për të prodhuar reshje.

Emiratet e Bashkuara Arabe janë një nga vendet më të thata në Tokë dhe shpreson se teknika mund të ndihmojë në rritjen e reshjeve të saj të dobëta vjetore.

Dhe po funksionon. Pamjet e publikuara nga Qendra Kombëtare e Meteorologjisë së Emirateve të Bashkuara Arabe tregojnë reshje shiu në të gjithë vendin, duke mbuluar edhe rrugët me ujë.

Sistemi aktual që përdoret për të ndryshuar ngarkesën elektrike të reve po drejtohet nga studiuesit në Universitetin e Reading në Angli dhe përllogaritet në miliona dollarë.

Profesori Maarten Ambaum, i cili punoi në projekt, i tha BBC në mars se Emiratet e Bashkuara Arabe kanë mjaftueshëm re për të krijuar kushte të përshtatshme për shiun.

Projekti përpiqet që pikat e ujit të bashkohen dhe të ngjiten. “Kur pikat të bashkohen dhe të jenë mjaft të mëdha, ato do të bien si shi”, tha prof. Ambaum për BBC./Motilokal.com