Shkencëtarët kanë paralajmëruar prej vitesh se temperaturat e larta në Arktik rrezikojnë shpërthimin e një "bombe me sahat" të metanit, ose depozitimeve të lashta të gazrave serrë të bllokuar në akull.

Imazhet satelitore të Siberisë veriore tregojnë se pjesë të mëdha guri gëlqeror që dikur ishin bllokuar nën ngricën e përhershme tani po shkrihen në sipërfaqe. Ndërsa guri gëlqeror u ngroh gjatë valës së nxehtësisë të vitit të kaluar që goditi zonën e Siberisë, ai filloi të plasë dhe të lëshojë një sasi të madhe metani që nuk kishte qenë në gjendje të arrinte në atmosferën tonë deri atëherë.

"Është intriguese. Nëse është e vërtetë, ky nuk është një lajm i mirë", tha klimatologu Robert Max Holmes nga Qendra Kërkimore e Klimës “Woodwell”.

Një ekip ndërkombëtar i shkencëtarëve ka zbuluar gur gëlqeror të shkrirë në mënyrë "të kundërt". Falë teknologjisë së hartës PULSE, ekspertët fillimisht zbuluan emetime alarmante të metanit përmes imazheve satelitore, dhe vetëm atëherë kuptuan saktësisht se nga vinte.

"Ne zbuluam se dy zonat me përqendrime të larta të metanit në hartën PULSE përputheshin në mënyrë të përkryer me dy pista të formacioneve gëlqerore", tha gjeologu Nikolaus Froitzheim nga Universiteti i Bonit.

Holmes tha se kërkimet e mëtejshme janë ende të nevojshme para se të shfaqet një panik i madh. Por, ai shtoi nëse i gjithë gazi në permafrost lirohet, atëherë ndryshimi katastrofik i klimës na pret.

"Ajo që me të vërtetë dimë është se një sasi e madhe e karbonit është bllokuar në permafrost. Dhe ndërsa Toka po ngrohet dhe ngrica e përhershme shkrihet, ajo lëndë organike e lashtë është në dispozicion të mikroorganizmave për proceset mikrobiologjike dhe lëshon CO2 dhe metan", tha Holmes./Motilokal.com